DOAKO PRESTAKUNTZA MERKATARITZAN

28/05/2025

Koine-Aequalitas Fundaziotik jakinarazi nahi dizuegu doako prestakuntza- eta gizarteratze-programa bat egingo dugula gizarte-egoera ahulean dauden pertsonentzat, haien enplegagarritasuna hobetzeko eta lan-merkaturako sarbidea errazteko.

Programa honek honako hauek konbinatzen ditu:

• Prestakuntza nagusia txikizkako merkataritzan
• Zeharkako moduluak gaitasun digitaletan eta gaitasun pertsonal eta sozialetan
• Eta laguntza, orientazio soziolaboraleko saio indibidualizatuen bidez

Ikuspegi integrala da, eta gizarte-bazterkeria jasateko arriskuan dauden pertsonen lanbide-trebetasunak, garapen pertsonala eta enplegua aktiboki bilatzeko prestakuntza indartzea du helburu.

Programak 15 plaza izango ditu. Lehentasunezko irizpidetzat hartuko da (baina ez baztertzailetzat) parte-hartzaileak Bermatutako Errenta edo Bizitzeko Gutxieneko Diru-sarrera jasotzen aritzea.

Prestakuntza modu presentzialean emango da Lizarrako San Jeronimo egoitzan, oraindik baieztatzeke dauden datekin, baina uztailetik azarora bitartean egitea aurreikusten da.

Ezinbestekoa da parte-hartzaileek irakurritako, idatzitako eta hitz egindako gaztelania jakitea, eduki guztiak hizkuntza horretan emango baitira.