Nazioarteko praktikak egiteko bekak

16/07/2025

Zertan datza?

UGPko beka horiek unibertsitateko edo goi-mailako lanbide-heziketako ikasle graduatuei zuzenduta daude, eta onuradunek praktikak egin ahal izango dituzte enpresetan, ikerketa-zentroetan, GKEetan, enbaxadetan, kontsulatuetan, Espainiako Turismo Institutuko bulegoetan eta Erkidegoaz kanpoko herrialdeetako merkataritza-ganberetan.

Beka hauek, praktikaren xedearen arabera, egonaldi, bidaia, bisatu eta istripu, bidaia, osasun-laguntza eta erantzukizun zibileko derrigorrezko aseguru gastuak ordaintzeko diru-zuzkidura eskaintzen dute. Bekaren zenbatekoa kontsultatu dezakezu, praktikaren destino bakoitzaren arabera, beken deialdia onartzen duen ebazpenaren 2. eranskinean.

Beka horiek eskatzeko, erakunde laguntzaile hauetakoren batera jo behar da:

- Nafarroako Unibertsitate Publikoko Unibertsitate-Gizartea Fundazioa eta Nafarroako Unibertsitateko Praktika eta Enplegu Zerbitzua unibertsitate-titulazioa duten pertsonentzat.
- Lanbide Heziketako, Digitalizazioko eta Hezkuntza Zerbitzuetako Zuzendaritza Nagusiaren Lanbide Heziketako Modernizazio eta Berrikuntza Zerbitzua, goi-mailako lanbide-heziketako titulazioa dutenentzat.

Zer ematen dizu?

Beka horien bidez, onuradunek honako aukera hauek izango dituzte:

Hezkuntza-sistematik lan-bizitzarako trantsizioa erraztea.
Diziplina anitzeko nazioarteko taldeetan gaitasun profesionalak eta lanekoak eskuratzea.
Nafarroako enpresa eta entitateak nazioartekotzen laguntzea.

Xehetasunak

Bekadun bakoitzari ematen zaion diru-kopurua praktiken xede-herrialdearen araberakoa izango da.
Praktikek 6 hilabeteko iraupena izango dute gutxienez, eta epe horrek diruz ordainduko du beka.
Bekadunek praktiketako sei hilabete bakoitzeko hamaika egun balioduneko baimena izateko eskubidea izango dute.

Baldintzak

Hauek dira beka lortzeko bete beharreko baldintzetako batzuk:

Nafarroarekin lotura izatea, bai hemen jaioa izateagatik, bai foru zibila izateagatik, bai deialdia argitaratu baino urtebete lehenagotik gutxienez Nafarroan erroldatuta egoteagatik.
Unibertsitateko edo goi-mailako lanbide-heziketako titulazioa izatea.
Ikasketak amaitu ondoren atzerrian praktikak egiteko bekarik jaso ez izana.
Aurreko deialdietan emandako Nafarroako Gobernuaren nazioarteko praktiketarako beka bati uko egin ez izana, ezinbesteko arrazoiengatik izan ezik.