Talentuari aukera emateko beka-programa

27/08/2025

"Talentuaren aukera" beka-programa ONCE Fundazioak desgaitasuna duten pertsonen gizarteratzearen eta aukera-berdintasunaren alde eta hezkuntza inklusiboa sustatzearen alde duen bokaziotik sortu da.

Beka horien bidez, bikaintasuneko prestakuntza, nazioz gaindiko mugikortasuna, desgaitasuna duten ikasleak enplegagarritasun bereziko arloetan espezializatzea eta kirol-prestakuntza sustatu nahi dira. Bestalde, beren talentuaren potentzial guztia aprobetxatu nahi da, eta desgaitasuna duten unibertsitate-ikasleen karrera akademikoa eta ikertzailea bultzatu, kualifikazio handiko enpleguetan laneratzea sustatuz.

Programan jasotako bekak eta laguntzak eskatu ahal izango dituzte Espainiako nazionalitatea eta legez onartutako % 33ko edo gehiagoko desgaitasuna duten unibertsitateko ikasle eta tituludun guztiek, baldin eta deialdiaren oinarrietan ezarritako baldintzak betetzen badituzte.