Emadazu minutu 1 KULTURA

22/11/2025

Zer da?

Eman minutu 1KULTURA

2010ean UN Etxea –UNESCO Sustatzeko Euskal Herriko Elkarteak martxan jarri zuen “Eman minutu 1…” ikus-entzunezko lanen lehiaketa. Honen helburua, mundu mailan giza eskubideekin zerikusia duten arazoei buruz gizartea sentikor bihurtzea eta kontzientzia zabaltzea da.

“Eman minutu 1…” lehiaketaren irabazleak izango dira ikus-entzunezko lan onenak eta giza eskubideak hoberen defendatu, bultzatu, aldarrikatu, zabaldu eta kontziatzen dutenak.

Izena emateko eta bideoak emateko epea 2026ko urtarrilaren 31ra arte egongo da zabalik (egun hori barne).

Epaimahaiak bereziki baloratu ditu:

• Eskubide kulturalei, pertsona guztiek bizitza kulturalean duten parte-hartzeari (bereziki, emakumeek, migratuek, dibertsitate funtzionala duten pertsonek, LGTBIQ+ komunitateak, ijito-herriak, etab.), irakaskuntza artistikoari, sorkuntzari, askatasun artistikoari, artisten mugikortasunari, artisten eskubide ekonomiko eta sozialei, ondarearen eta beste ekipamendu kultural batzuen eskuragarritasunari eta gozamenari eta abarri buruzko hausnarketa egiten duten bideoak.
• Giza eskubideak sustatzen, babesten eta konprometitzen dituzten bideoak.
• Inor atzean utzi gabe, inor kanpoan utzi gabe, etorkizun iraunkorra eraikitzen lagunduko duten bideoak.
• Desberdintasun eta aniztasun kulturala, soziala, identitarioa eta generokoa onartzea eta gizarteratzea.
• Pertsonek beren eskubideak banaka edo taldeka eskatzeko dituzten gaitasunak eta estrategiak ikusaraztea.
• Gizartea mundu bidezkoago, inklusiboago, bidezkoago eta iraunkorrago baten aldeko borrokan inplikatzea.
• Genero-berdintasuna eta emakumeen ahalduntzea defendatzen duten bideoak.
• Ez da tonu, paternalista, biktimizatzaile eta sentsazionalistarik erabiliko.